Меню

Бабаюрт

Главная
События
История района
Персоналии
Персоналии
Религия
Односельчане
Спорт
Мультимедиа
Фотогалерея
О сайте

Отдел по
делам
молодежи


Стихи сельчан

Разное

Каталог статей
Каталог файлов
Ссылки

Like Babayurt

Фотогалерея

facebook.com

Наш опрос

Нужен ли этот сайт?
Всего ответов: 31

Ваша реклама

ok.ru

Реклама

Статистика





Онлайн всего: 1
Гостей: 1
Пользователей: 0

Главная » 2015 » Февраль » 21 » ИСЛАМ – ПАРАХАТЛЫКЪНЫ ДИНИ
11:00
ИСЛАМ – ПАРАХАТЛЫКЪНЫ ДИНИ


Артдагъы вакътиде бизин бусурман уьммет рагьатсыз гюнлени башдан гечирип тура. Айтагъаным, Францияда журналистлени бир тайпасы бизин сыйлы Магьаммат Пайхаммарыбызны (а. с.) мысгъыллап, суратларын чыгъарып, оьзлени акъча маяларын артдырмакъны гьайын этип юрюгенлер. Шону булан олар савлай гюнбатыш пачалыкъларда демократия бар деп айтмагъа сюйгенлер.

Озокъда, бары да этилеген ишлени дазусу бола. Гьатдан озуп, не этмеге де ярай деп, оьзге динлени мысгъыллама биревню де ихтияры ёкъдур деп эсиме геле. Ойсуз ишни ахыры нечик битмеге болагъанны мысгъыл суратланы чы­гъаргъан «Charlie Hebdo» («Шарли хебда») деген журналны редакциясына радикал исламны якъчылары этген чапгъындан, шону натижасында журналны къуллукъчулары оьлтюрюлгенден де ачыкъдан гёрюне.

Озокъда, мен оьлтюрювню яны тюгюлмен. Ислам дин оьзю де оьлтюрювге къаршы. Амма оьзлени оьлтюрюлген ёлдашларына этилеген сыйны белгиси йимик, журнал оьзюню гезикли номерин бир де тарихде болмагъан оьлчевде чыгъарып, (мисал учун айтгъанда, чапгъындан алда журналны тиражы 60 минг болгъан буса, гезикли номери 7 миллионлукъ тираж булан чыкъгъан) шонда гене ислам динибизни къурувчусу, сыйлы Пайхаммарыбызны (а. с.) мысгъыл суратларын биринчи бетине салып чыгъардылар. Шо, мени гьисабымда, отгъа май къуягъан йимик гёрюндю. Чинкдеси, шо бары да биревлер учун акъча къазанмакъ, оьзгелер учун буса политика даража учун этилгени ачыкъ болду. Онда Европаны баш байлыгъы гьисапланагъан демократияны ийиси де гелмеди.

«Шарли хебда» деген журналны якълап, «Мен Шарлимен» деп тёшлерине де язып, Францияда миллион адам орамгъа чыкъгъанда, бусурман уьлкелерде буса бир нече керенлеге артыкъ адам журналгъа къаршы чыкъгъанны бир-биревлер эслемеге сюймейген йимик гёрюндю. Сонг да, террорчулукъгъа къаршылыкъ билдирегенлер артдагъы 15–20 йылны ичинде Иракъда, Афгъанистанда, Сирияда, Ливияда, дагъы болмагъанда, бизде, Дагъыстанда террорчуланы къолундан адамлар оьлегенде неге бирикмегени тамаша тие.

Ери гелсе, бусурманлар да бола бирикмеге. Шо гьаракат Мычыгъышда болгъан къаршылыкъ билдиривде «мунаман» деп гёрюндю деп эсиме геле. Грозныйны баш межитини алдына бир ерге миллион адам жыйылгъаны да кёп затны англата. Шонда Дагъыстандан 6 мингден де артыкъ адам, шолар булан бирге мени ата юртум Адил Янгыюртдан да ортакъчылыкъ этгенлер болду. Шолай, халкъны башгётеривлери Темиркъазыкъ Кавказны оьзге регионларында да эсленди.

Дагъыстан Республиканы Башчысыны Халкъ Жыйынына Чакъырывунда эсгерген кюйде, террорчулукъну яманлай туруп, белгисиз гючлер бусурманланы динге, ону булан савлай Яратгъаныбызгъа инана­гъанланы дин гьислерин хорлайгъанын эсгерди. Шолайлыкъда, олар бусурманланы юреклеринде оьчлюк тувдурагъанны да айтды.

Шо гюнлерде Адил Янгыюртну имамы Жамалдин Мужайытовну сиптечилиги булан юрт межитде юртлуланы ортакъчылыгъы да булан уллу мажлис оьтгерилди. Мажлисге Бабаюрт районну юртларындан, хоншу Хасавюрт райондан гелген вакиллер, оланы арасында респуб­ликада белгили динчилер ортакъчылыкъ этдилер. Жыйылгъанлагъа сююмлю Магьаммат Пайхаммарыбызны (а. с.) яшавундан, Ону асгьапларыны, уьягьлюлерини, сыйлы Къуранны гьакъында ачыкъ англатывлар бердилер, насигьатлар этдилер. Динибизни гьакъында айта туруп, ислам – парахатлыкъны яны ва дюньяда лап да таза дин экенни, болгъан чакъы чыдамлы ва инсаплы болмагъа тюшегенни гьакъында хыйлы сёз болду.

Гелген алимлени арасында Хасавюрт шагьардагъы межитни имамы Магьаммат гьажи Гебековну насигьатлары жыйылгъанлагъа бек таъсир этди. Бизин гьалиги яшавну лап да инсангъа тарыкълы ерлерин, динге бакъгъан къаравланы, айрокъда террорчулукъну алдын алывну гьакъында ол таъсирли кюйде сёйледи. Шо гьакъда айта туруп, сыйлы Магьаммат Пайхаммарыбыз (а. с.) гёрсетген ёллар булан юрюмек гьар бусурманны борчу экенни исбатлады. Сонг да, ол мен оьрде эсгерип гетген журналда чыгъарылгъан ва мажлисни оьтгеривню аслу себеби болгъан мысгъыл суратланы масъаласын гётермей болмады.

– Аллагь – бир, бары да динлени яратгъан да ол, гьар къавумгъа йиберилген пайхаммарлар да Яратгъаныбызгъа къуллукъ этмеге чакъыргъан, – деди Магьаммат гьажи Гебеков. – Бир инсангъа да шо динлени мысгъыллама, суратларын этме ихтияр ёкъ. Адамланы ругь байлыгъы болгъан динни мысгъыллав шо динни юрютеген миллионлар булангъы халкъны хорлагъангъа тенг бола. Буса да мен бары да бусурманланы юреклерине бизин сыйлы Магьаммат Пайхаммарыбызгъа (а. с.) хас болгъан саламатлыкъны салмагъа чакъыраман.

Мажлисни ахырында Пайхаммарыбызны (а. с.) яшавуна байлавлу конкурс оьтгерилди. Соравлагъа тюз жаваплар бергенлеге Дагъыстанны дин управлениесини вакили гьар тюрлю савгъатлар тапшурду.


Къасумхан гьажи ГЬАЖИЕВ
Категория: Религия | Просмотров: 797 | Добавил: babayurt | Теги: Янгиюрт | Рейтинг: 0.0/0
Всего комментариев: 0
avatar

vk.com

Поиск

Герб района

Гости

Объявления

[17.01.2012][Услуги]
Новые компьютеры для всех видов игр, офиса и дома (0)
[26.03.2012][Услуги]
Профессиональная фотосъемка свадеб и других торжеств (0)
[26.03.2012][Услуги]
Оценка имущества (0)
[16.01.2013][Продам]
Продается мёд!!! (0)
[11.08.2014][Объявления]
ПРЕДЛАГАЕМ СОТРУДНИЧЕСТВО (1)

Погода

GISMETEO: Погода по г. Бабаюрт

Комментарии


а нет электронного варианта

Да, поездка в "Грушевые рощи" это прекрасно. Там столько всего интересного) такая природа красивая,удобство,комнаты отличные,все просто идеально!! Там не только получаешь море эмоций,так же наслаждаешься всей обстановкой... в общем поездка -мечта!!!!! И спасибо организаторам и всем тем, кто предоставил такую возможность детям!!!!!!

Продаю Дом с участком 14 сот , дешево Срочно! с.Бабаюрт ул.Первомайская д 7, цена договорная , звоните или пишите смс, я перезвоню: 89253059667


Советуем посетить

Кумыкский мир Газета =Ёлдаш=
Московские кумыки Кумыкский портал «Къумукълар»
Kumuk.info