Меню

Бабаюрт

Главная
События
История района
Персоналии
Персоналии
Религия
Односельчане
Спорт
Мультимедиа
Фотогалерея
О сайте

Отдел по
делам
молодежи


Стихи сельчан

Разное

Каталог статей
Каталог файлов
Ссылки

Like Babayurt

Фотогалерея

facebook.com

Наш опрос

Нужен ли этот сайт?
Всего ответов: 31

Ваша реклама

ok.ru

Реклама

Статистика





Онлайн всего: 1
Гостей: 1
Пользователей: 0

Главная » 2014 » Апрель » 21 » АЛИМГИШИНИ ГЬАЛИМ ИШЛЕРИ
23:01
АЛИМГИШИНИ ГЬАЛИМ ИШЛЕРИ


Бабаюрт районну халкъына белгили кюйде, бизин юртланы сабанчылары эрте язбашдан гюзню ахырынчы гюнлерине ерли ашлыкъланы, овощланы ва емишлени аслам тюшюмлерин болдуруп, пачалыкъгъа тапшуруп, атлары савлай элибизге белгили болгъан, пачалыкъны сыйлы савгъатларына, орденлерине ва медалларына, ат къазангъан къуллукъчу деген оьр атлагъа лайыкълы болгъанлар Бабаюрт ра­йонда кёп бар. Бугюн оланы атларын эсгермей къойсакъ арив болмас.

Герменчикдеги «Коммунизм» колхозну председатели алмашынывлар болгъан сонг «Герменчик» СПК-ны ёлбашчысы болуп ишлейгенли 50 йыллар болуп турагъан ва гьали де шо къуллукъну давам этеген биология илмуланы кандидаты Алимгиши Бамматовну гьа­къында айрыча эсгермеге тюше деп ойлашаман.

А. Бамматов 1933-нчю йыл Герменчик юртда сабанчы агьлюде тувгъан. Яшлыгъы дав йыллагъа рас гелип, кёп къыйынлыкъланы башдан гечирген. Буса да школада охума ва билимлер алма ол заман ва имканлыкълар тапгъан. Демек, 1950-нчи йыл толмагъан орта билимлеге ес бола ва билим алывун узатмакъ учун Магьачкъаладагъы ветеринарлар гьазирлейген техникумгъа охума тюше. Шо йыл ол Ватаныны алдындагъы борчну кютмек учун асгерге де чакъырыла. Ондан къайтгъан сонг билим алывун давам эте.

Арадан эки йыл гетип, ол ветеринар касбугъа ес бола ва юртдагъы колхозда загьмат ёлун башлай. 1960–1963-нчю йылларда ол районну ветеринар станциясында участка фельдшер болуп да ишлей. Шо йыллар ол ата юртуна къайтып, колхозда ишлеп, оьзюн бажарывлу касбучу гьисапда гёрсете. Юртлу халкъ ону загьматын оьр даражада къыйматлай ва бир гёнгюлден колхозну председатели этип сайлай. Шо бола 1964-нчю йылны февраль айы. Эсгерилген йылдан тутуп ол колхозну экономикасын оьсдюрмек ва юртлу халкъны яшав гьалын яхшылашдырмакъ учун къаны-жаны булан талаша.

Ёлбашчы болгъан сонг билимлерин оьсдюрмек ва камиллешдирмек ону учун биринчи масъала болуп токътай. Шо йыл, демек, 1964-нчю йыл Алимгиши Ставропольдагъы юрт хозяйство институтгъа охума тюше ва ону 1969-нчу йыл тамамлап, оьр билимлеге ес бола. Ону къасты ва гьаракаты булан 1967-нчи йыл колхозда тувар ферма ишлеме башлай. 1973-нчю йыл буса жынслы гьайванлар сакъламакъ учун машинлешдирилген гьайванчылыкъ комплекс къурула. Гьайванчылыкъдан алынагъан гелимлер йыл сайын арта, колхоз оьсе, адамланы яшав гьалы яхшылаша. Шо буса Алимгишини билимлерин дагъыдан-дагъы артдырывгъа талпындыра. 1970-1973-нчю йылларда Ленинград шагьардагъы илму-ахтарыв институтну аспирантурасында охуп, диссертация язып, ону уьстюнлю кюйде якълап, Алимгиши Бамматов биология илмуланы кандидаты деген алим атгъа ес бола.

Юрт хозяйствону оьсдюрювде етишген уьстюнлюклери учун Алимгиши Бамматов Загьмат Къызыл Байракъ орденине лайыкълы бола. Шо буса ону дагъы да оьр натижалагъа етишме талпындыра.

1965-1985-нчи йыллар колхоз ону ёлбашчылыгъы булан лап да яхшы натижалагъа етише. Йылдан-йылгъа социалист ярышны гёчювчю Къызыл байрагъын къолдан чы­гъармай алгъа абат алына, колхозчуланы гелимлери арта, юрт тюрлене.

1970-нчи йылдан тутуп, кёп санавда къурулушлар ишлене. Шо санавда маданият къала, колхозну канторларыны, медпунктну, байлавлукъ бёлюкню биналары, эки къабатлы орта школа къурула. Мунда биринчилерден болуп ичеген сувну, табии газны масъаласы чечиле, орамлагъа асфальт тутула, юрт яшнай. Шолар бары да колхозну гючю ону ёлбашчысы Алимгишини гьай этивю булан амалгъа геле.

Терекге емишине, адамгъа буса загьматына гёре багьа бериле. СССР-ни Оьр Советини Президиумуну Указы булан загьмат макътавлугъу учун Алимгиши Бамматов Россия Федерацияны юрт хозяйствосуну ат къазангъан къуллукъчусу деген, Дагъыстан Республиканы ат къазангъан ветеринар врачы деген оьр атлагъа, оьзге орденлеге, медаллагъа, гьюрметлев грамоталагъа лайыкълы болгъан.

Алимгиши Бамматов – оьмюрюню кёп янын юртлуларыны яшавун яхшылашдырывгъа берген адам. Загьмат булан чыныкъгъан, савлай республикагъа загьмат уьстюнлюклери булан белгили болуп тургъан А. Бамматов гьали оьзю ёлбашчылыкъ этип турагъан СПК-ны гьалы йылдан-йылгъа осаллашагъанына теренден талчыгъа. Бугюн СПК-ны атындан къайры заты къалмагъан. Тек ол гележекге инана ва шо СПК-ны аякъгъа тургъузуп, берекетли заманланы къайтара гелтирмекни гьайында.


А. Хамаматов
Категория: Односельчане | Просмотров: 753 | Добавил: babayurt | Теги: Алимгиши Бамматов | Рейтинг: 0.0/0
Всего комментариев: 0
avatar

vk.com

Поиск

Герб района

Гости

Объявления

[17.01.2012][Услуги]
Новые компьютеры для всех видов игр, офиса и дома (0)
[26.03.2012][Услуги]
Профессиональная фотосъемка свадеб и других торжеств (0)
[26.03.2012][Услуги]
Оценка имущества (0)
[16.01.2013][Продам]
Продается мёд!!! (0)
[11.08.2014][Объявления]
ПРЕДЛАГАЕМ СОТРУДНИЧЕСТВО (1)

Погода

GISMETEO: Погода по г. Бабаюрт

Комментарии


а нет электронного варианта

Да, поездка в "Грушевые рощи" это прекрасно. Там столько всего интересного) такая природа красивая,удобство,комнаты отличные,все просто идеально!! Там не только получаешь море эмоций,так же наслаждаешься всей обстановкой... в общем поездка -мечта!!!!! И спасибо организаторам и всем тем, кто предоставил такую возможность детям!!!!!!

Продаю Дом с участком 14 сот , дешево Срочно! с.Бабаюрт ул.Первомайская д 7, цена договорная , звоните или пишите смс, я перезвоню: 89253059667


Советуем посетить

Кумыкский мир Газета =Ёлдаш=
Московские кумыки Кумыкский портал «Къумукълар»
Kumuk.info